Leo Mei 1, 2018 ni Siku Kuu ya waafanyakazi ambayo kitaifa uadhimishwa kila ifikapo tarehe 1 mwezi Mei ya kila mwaka, kufuatia Siku Kuu hiyo Mbunge wa Kigoma Mjini na Kiongozi wa chama cha ACT-Wazalendo, Zitto Kabwe amefunguka yafuatayo kuhusu wafanyakazi.
"Mei Mosi 2018: Kila la kheri Wafanyakazi wote nchini
Licha ya kwamba Wafanyakazi rasmi ni 9% tu ya nguvu kazi ya nchi yetu, ( kwa kigezo cha Kodi ya Mapato ), Wafanyakazi kupitia PAYE wanachangia 75% ya Kodi ya Mapato inayokusanywa na Serikali. Waajiri kupitia kodi za makampuni ( taxes on incomes/interests, profits and capital gains ) huchangia 25% tu.
Wafanyakazi wanaumizwa na mzigo wa kodi kwa sababu hawana fursa za kukwepa kodi kisheria maana kodi zao hukatwa moja kwa moja kutoka kwenye mishahara yao tofauti na wenye mitaji ambao huweza kukwepa kodi kwa mujibu wa sheria.
Tutaendelea kupaza sauti kupigania haki za Wafanyakazi, kuhakikisha Uchumi unazalisha ajira rasmi nyingi zaidi na mazingira ya Kazi kuboreka.
Tunatuma salaam za mshikamano kwa tabaka la Wafanyakazi nchini Katika siku hii muhimu kwao. Wafanyakazi kwenye sekta rasmi wanaofikia 2.1 milioni ni jeshi kubwa la kuleta mabadiliko nchini kwetu. Tutimize wajibu huo."